NGADU BAKO (Obral Obrolan Urang Kidul Di Belah Kaler ) BAG I

Ku: Kang Ferdiansyah kalih Kang Gin Gin Ginanjar

I. Selayang Pandang Kang Gin Gin Ginanjar

Taun 1992 jadi awal carita kuring dak!!!

Carita dimana kuring hijrah ti desa caringin ka desa cikarang, Desa anu jadi tanah kalahiran dua mahluk alloh anu cek kuring mahluk terbaik nomer hiji sa alam dunya.nu salajengna disebat mamah papah,asa rancu ey bae lah “tong protes” kuring oge tengarti naha ujug-ujug nyebut kitu.

Memang umur kuring karek 4 tahun harita, tapi kuring inget saetik-saetik dak. Naek gunung turun gunung, nyorang walungan, kaluar asup leweng, mangih lembur, sawah,leweng dei, walungan dei lembur dei sawah dei terus kitu saterusna berikut mun teu salah mah cap ceker dak. Sapanjang jalan kuring di doktrin ku mamah papah kaalusan desa cikarang berikut teing kuring ge te ngarti naon nu di omongken, ngabebenyoken meren carita namah.

Singkat carita tekarasa kuring ges dua thn hirup dicikarang. Keur samentara mah nu di doktrin ken ku mamah papah bahela teh bener.

Tan 1994 jadi awal kaendahan dak!!

Umur 6 tahun 3 bulan kuring asup sakola berikut teu apal naon tujuan sakola, pokonamah rame da loba batur sarua kabeh make baju beureum bodas. Indit teh isuk keneh da sien kabeaken bala-bala umi oom anu kacida ngenahna berikut bisa nga……’sensor’nyuk katambih di mamam na di handapen tangkal caringin samemeh opsih pagi-pagi, anu dikomandani ku bapa aceng. Hatur nuhun ka bapa aceng anu paranatos ngajarken disiplin kabersihan ka simkuring sareng hatur nuhun kanu melak tangkal caringin di hampir tiap-tiap sakola SD di cikarang da gening ku aya na tangkal caringin jadi aya sampah daun wae tiap dinten.tiap dinten sasapu teruuuuuuuus!!!!!

Teng teng teng sora loceng tarik kacida nandaken kuring kudu asup kelas, tapi kabayang mun kuring katinggang eta loceng sigana kuring moal ngarasaan asup sakola jam 10 “nandaken kls 2 da kls na kurang” da meren kuring bakal kiamat sugro kulantaran locengna gede kacida,katambih karatan da kahujanan. Bereyek atuh ka kelas masing-masing komo kang asman sareng kang ferdi mah silih dorong da siga ucing jeng berit.

Kaendahan ka 1 “sama rasa sama rata”

Rek sapatu atawa sendal anu mahal atawa murah kadang-kadang sarua dkls kuring mah sapatu kulit kabeh alias nyekerrrrrrrrr, tapi efektif da lamun tekitu, Aspal taneh berem bakal nempel di papan nu herang da tos disapu ku ceu daningsih nu getol kacida,sareng kang karyadi nu getol ngadamel cai kanggo wawasuh ibu bapa guru nu bodas panangana ku kapur. Tah tugas kang warsa atanapi ceu usum nu ngahapus bor na da kagungan kaunggulan dina segi tinggi badan. Emh endahna dak di ajarken ku kaayaan,masalah sama rasa sama rata.

Aya kaindahan dina kaanehan dak, coba bayangken sakelas kuring aya welasan murid tapi korsi meja ukur aya 3 pasang nu hiji ku ibu bapa guru, nu dua ku welasan murid tapi cukup.jeng te aya siga jaman

ayena korsi meja bisa dipaling, sakola jaman kuring mah nya oge disekat ku rangkawat jeng bilik awi nu ges karentob, da eta disaranean wae ku kang enceng “sadar bodi atu ey” hehe maklum paling bongsor, tapi teacan aya kajantenan korsi atanpi meja aya nu maling, subhanallah. Mung hiji masalahna mah, upami reyod hiji reyod kabeh. Emh endahna dak di ajarken ku kaayaan, masalah sama rasa sama rata.

30menit waktu sosialisasi paling efektif anu pernah dirasaken sapanjang hirup kuring nyaeta 30menit pas istirahat sakola SD di Cikarang jaman harita, rek kaulinan ti mimiti nu make modal bahan samisal gatrik, boy-boyan, galah, karet ,kaleci ,ngadu muncang ,ngadu sirem tataman jeng sajabana….poho dei, nepi kanu ukur modal perem ucing sumput, modal fisik ucing lumpat jeng sajabana jang lalaki. Atuh istri na aya nu sondah mah encrak mah aya oge nu babarengan istri pameget nu sepdur-sepduran poho dei ngarana kabeh oge babarengan nepi ka sifat na barang tuang sasarengan da eta we kang ajat kang yandi kang cepi kang sobar mah sok ngajak ngadamel limus di tukangen sakola terus disedot babarengan. sedot ,suruput, suruput, engsrok-engsrok da aya nu filek tapi batur, nikmat gusti. Emh endahna dak di ajarken ku kaayaan, masalah sama rasa sama rata.

Berlanjut ah kapan-kapan kaburu aya nu ngagerem tikamar……..

Te bisa sare gening dak..

Hujan murutuy pas benta..

Dikamar sabelah gening aya kang ferdi ker ngaguher..

Cik kang hudang hela kuring te bisa sare hayang ngobrol..

II. Selayang Pandang Kang Ferdiansyah

Huayyyy ….. ehm … tes … tes … satu ..dua ..tiga … ngan moal di tiup mic namah sieun Ngajegur, komo nyebut halow mah da lain keur ngalabel …..

Lamun nitenan kana carita kang gogon diluhur carita kuring mah, ibarat si kembar Yuliati jeung yuliani, atawa karang kuring jeung karang rano karno (teu beda jauh) sarua handapeun gado beulah katuhu hihihi …. Pedah kuring mah lahirna pituin cikarang  (Orsinil amun ceuk mang Nanang nu boga Deler Sapedah Urut mah ), nu di borojolkeun tina rahim si bunda teh pas di perumahan lembah batara nu waktun harita penghunina pinuh keneh ku Tongeret banen, udug – udug, Lontrok, jeung hingkik, nu kadieunakeun tiwas jantungeun, gara - gara sora bedil patrom pa Acep nu sok dibeledugkeun memeh nabeuh calung dinu hajat … hmmm cabal eaaa (punten 124d4 4l4y)

Agustus 1995 (walohualam bisawab)

Tahun ieu nu jadi titik awal aya rada ingetan rada gemleng, meureun kuring dina waktu harita maju tina fase usia balita kana fase budak rodek hulu, nu kadituna fase budak olol leho, aya hiji masa nu ku kuring moal bisa di pohokeun tina masa eta, nyaeta masa sakola terutamana SD (Sieun Dikuris) .

Nu masih ngait na ingetan, poe mimiti asup sakola kuring ganteng pisan (ceuk si mamih) make baju beureum bodas, make beubeur, make rompi, malah beuheung oge di cekek ku dasi sagala, kulit herang da meunang ngagosok ku hand body IMEL, rambut kulimis beulah sisi, ti jauh geus ka ambung seungitna rada giung da minyak rambutna make Lavender Cap Dengkak, nu gambar kalengna aya awewe cina keur make payung gening, ( kadieunakeun kalengna sok rajeun di jieun kotak peralatan tempur kekecos nini - nini ) aya nu inget sugan ?

Indit kasakola teu jiga batur di anter ku kolotna, kuring mah nikreuh we sorangan da asa gagah dumeh make sapatu warior anyar, jeung di bekelan duit 2 ratus perak, nu akhirna di pake foya – foya meuli kurupuk Edun 4 bari sakapeung mah sok di gayem jeung cangkangna pedah gurih, sesana pake meuli fanta ria, mun hayang rada mewah nya meuli temulawak alias GINZA di Toserba pa Sadik.

Asup sakola poe mimiti rame pisan, boga babaturan anyar, nu sarua balangor, bari can apal ngarana mh, nu inget teh, Tedi Sidik Permana, Mulyadi, and the gank. Kakara asup langsung diajarkeun sarupaning pupuh, nulis papageran, CALISTUNG, jeung tektek bengekna nu kalintang di ogo pisan da poe mimiti, nya poe ka 3 jeung saterusnamah lamun bangor teh, sok rajeun di emrat ku cai sa ember (geus jiga kebon cabe kiriting )

Amih Karyati, saksi kabangoran kuring and the gank, da cenah saking balangorna kuring di sakola, mun peuting Amih sok nyeri awak, matak sok rada ngarepotkeun ka Bapa Ulis Saca da sok nyungkeun di pencetan ( Hapunten bapa ibu, akuh menyesalllll )

Buah tina kabangoran kuring, hiji poe kuring di panggil ku bapa Pupuhu sakola nyaeta bapa A.Kusmana, pikeun asup ka ruangan guru ( Pantona baheulamah warna Coklat), nya kuring nyumponan kana eta panggero, Tepi ka eta ruangan tuluy kuring di petel raraban, 1 tepi 9, geus katinggali lancar tuluy kuring dititah maca majalah SUARA DAERAH, geus beres kitu dititah maca deui majalah SI KUNCUNG (Ngan hanjakal teu di titah dahar)  sanggeus kitu Bapa pupuhu sakola ngagero hiji murid nu juringas, tur rancingeus, nu wastana Ajat, nya kuring di adu maca jeung manehna ( Untung lain ngadu gapleh ) sanggeus kitu bapa pupuhu sakola kedal lisan,

“Fey enjing mah lebet siang we sareng kelas dua “ 

Duarrrrrr …. Didinya kuring kaget pisan Jantung ratug tutunggulan, da lamun seug eta ka jadian keuna ka artis Saeful Jamil mah geus weh bakal langsung nyanyi ( Bagaikan petir disiang hariiii …. Bagaikan Layang putus dari benang nyahhhh …. Bagaikan langittt … tertutup awan … ) waktu harita Kuring teu bisa nga jawab, ukur bisa unggeuk tanda satuju kana eta pangajeng pupuhu sakola.

Isukna kuring, Asup ka kelas dua, ninggalkeun sakabeh And the gank, jeung gebetan (pasnamah calon gebetan) pas kuring asup, sok sanajan kelas nu sarua, tapi jadi asa jauh beda, nya kuring di rohang kelas ieu wawuh jeung, Kang gin gin, kang Asman si petinju begang, kang kariydi si jago alfa, ajat, cepi si golep Brisk pria masa kini (pada jamannya), kang yandi, warsa alias degul, daningsih, rohaetin, Yeni, ratna suminar, sumiayati, hartini, Ai Santika, sobariah, Nur Aisah, Sobar nurjamil, Enceng sobarnas, tidieu kisah kuring dimimitian berpetualang di dunia pendidikan yang penuh kebangoran, prestasi, suka cita jeung persahabatan Cie… cie… cie….

Aduhhhh … dak nulis sakitu ge kuring mah meni poho ngarenghap … ku sonona kana masa-masa bebenyit …. Cag heula ahhh … kuring ngarenghap heulaa ……

III. KAJADIAN MASA - MASA SAKOLA 

Aya picaritaen nu edun anu kudu dicaritaken dina sababaraha waktu, Sabab loba kajadian nu sabenerna loba pelajarana nu lewih loba pikaserieun. ie carita pangalaman kuring Gin Gin ginanjar jeng kang Ferdiyansah nu pernah ka alaman waktu jadi dulur di kelurga besar Sakola Dasar Cikrang I, bisa  wae ieu pangalaman aya nu sarua kalakonan ku urang sarerea.

1. Antara Ruang Kelas, Amih Jeung Tugasna

Ie carita dimimitian thn 1995 waktu kami and the gank nincak kelas 2 nu di wali kelasan masih ku Amih Kariati nu masih keneh rajin nyebor barudak (ameh tereh gede) hehehe..

Sabenernamah krikulum di Sakola SD kuring oge sarua masa diajarna 6 tahun, ngan teuing masalah naon da kelas namah ngan ukur aya 5 ruang kelas ka asup guruna nu ngan aya 5 urang, jadi 7 lamun ditambah jeung pa Kepala tur Pa Aceng sebagai pawang sapu jeung avatar pengendali kalakay daun caringin ….

Ari masalah kelas mah rada kaharti meureun matak kurang oge lantaran, biaya pembangunana nu kurang, atawa gara gara tanah lelemah sakola kuring nu leutik teuing, jadi lamun di bangun engkena moal aya tempat barudak keur ucing ucingan, gobag, boy boyan, maen kaleci, encrak, ucing sumput, ucing berem, maen karet jeung nu penting mah bisi eweuh laha pikeun singasana kereta kencana pa Utay Mintarja nyaeta Honda GL 125 parkir.

Tah kulantaran kurang kelas jeung tanaga pengajar ahirna kelas dua mah asupna jadi kelas beurang sanggeus kelas hiji bubaran, ari wanci teges namah kira kira jam 10,00 suk isuk. Ari pengajarna nya Amih deui waeee … lamun di tanya honorna dobel mah, da asa moal mungkin, ngan mun di tanya pagawean ges pasti rudet, bayangkeun, mawa buku kasakola 2 kelas, nyieun soal keur ulangan 2 kelas, mariksa hasil THB 2 kelas, tur ngesian Rapot oge dua kelas, ribet pan? Can ditambah ku barudak kelas hiji jeung kelas dua nu kacida bageurna, eta oge lamun Amih geus bolotot bari ngaluarkeun sora  oktaf pang tinggina.

2. Dogong Panto Kelas

"Kang fey…naon maksudna harita anjeun jeng kang asman tukang tinju tea te ngabjaan ka kuring yen anu ku kuring di dogongan lain kang asman, atuh ku gara-gara eta kuring isin beak tikarep... ?? "

Ohhhh ….. nu basa harita … kang gin gin wajahna nga dadak sepa tur pias ?

Kieu … waktu harita teh sanggeus amih mere tugas, terus kuring teu kuat ges ngagayot hayang kahampangan, nya menta anteur ka kang asman, tah sabadana kuring miceun eta rereged di WC VVIP nu d bunian ku bilik dobol, rada era gening mun keur cangegang bari mancer teh da sok aya domba bikang noong ti tonggoheun setudio radio multinada. Ringkes carita pas kuring rek asup ka kelas, panto kelas kasampak nutup, bari  pas di surungkeun ku duaan jeung kang asman teh Rada pageuh…. Sabot anteng ngugil ngadogongan eta panto, datanglah bidadari penolong nyaeta Amih…. Harita keneh Amih langsung ngambil alih eta pertarungan adu dogong … Sabenerna kuring apal pisan nu pageuh ngahalangan ti jero teh lain tulak panto, tapi tanaga rongkah kang gin gin nu kaluar tina kuda kuda anu kacida tohaga …. Ngan orokaya Amih lain jalma jore jore, anjeuna langsung nyuruduk eta panto dina gerakan banteng rodeo … hasilna pan kang gin gin ngabangkieung tur mundur dua lengkah …. Bari ngajorowok …

” Bantuannnnn ,,, Kariadiiiii ... ”

Tapi malang nasib kang gin gin , tina eta panto nu melenge teh ka intip wajah Amih nu beureum tanda ngaluarkeun ajian pamungkas keur ngadogongan kang gin gin … atuhhhhhh … kang gin gin ngelemes bari musam – mesem …. Ari kuring jeung nu lian mah seuri kebek ngeunah pisannnn….

3. Maen Tincak Bola

"Tah kang gin kuring mah rumasa baheula teh sagala bisa, termasuk soal seniii … ngan hiji patalukan kuring mah dina masalah olah raga …."

Owh enya eta mah te kudu dicatur, kuring percaya ari masalah seni mah, da kang fey mah tina nakolan bonang nepika dolak wadah huut bisa ngahasilkeun harmonisaisi nu haslina sungguhh luar biasa sajah hahahaha,,,,, komo masalah nakolan dorokdok jeng nakolan awi sabebek mah, Ngan naha dina masalah olah raga kang fey mah siga nu poekeun obor ??

saperti harita basa kami and the gank datang isuk keneh ngajak maen bola galawann kasebelasan Ajat CS di lapang pa sadik (padahal alm mah te pernah meli lapang).

waktu harita ku sabab di klub kuring kakurangan hiji pemain inti, nya kuring kapaksa ( make pisan) ngondang kang fey nu statusna, lain pemain impor, pemain inti, atawa pemain pinjaman tapi status kang fey waktu harita teh kalintang pentingna nyaeta sebagai pemain PANGGANJEL ( lamun ucing-ucingan mah anak bawang ). Atuh kurunyung harita kang fey turun ka galanggang bari anger ngagayeum plastik kurupuk edun nu salawean (majarkeun mah gurih). Sok sanajan kang fey statusna pamaen pangganjel, tapi kuring langsung mercayakeun kang fey sebagai posisi ngacak, termasuk tukang mulung bola lamun awut buruh, ( kitu oge lamu bolana jauh ka kebon awi pa Bana).

Tapi aya ka kakaguman kuring kang fey, nya eta waktu kiper kang karyadi newak bola tengah teuing nu jadi ngahasilkeun tendangan 12 pas, nya waktu harita kang fey merekedeweng hayang nga eksekusi eta tendangan … Singkat carita barudak ngizinan, nya kang fey ancang ancang mudur sawatara lengkah katukang jauh pisan ( majar ameh tarik najongna),  sanggeus ngarandeg jeung narik nafas, harita kang fey lumpat bari nyawang eta bal, ngan teuing masalah naon lumpat kang fey teh rada babangkieungan siga nu mabok salep bisul, siganamah eta gerakan teh ngarana Langlayangan gedeg … pas nepi kana eta target ( Si kulit bundar) kuring heran deui wae, Lantara eta bola teh lan di tajong, tapi kalah DITINCAK …. Orokaya awak kang fey langsung ngadangheuak ka tukang, bari nangkarak bengkang, atuh bal anu gagal di tajong the rikat di salametkeun ku kang karyadi dina jurus tangan seribu gegep … atuhh ... eta kasempetan teh terbang sia - sia.

4. Radio Multi Nada

Lamun di tinggali tina peta peradaban desa cikrang, sakola urang teh letak geografisna pas di tengah – tengah kota, buktina dekeut ka toserba, jeung pasar induk ci karang, nu katelah ku Lotek bi Tarminah, Kupat ma Opoy, Sayuran mang uya jeung Salon Aki Sahro, salain eta deukeut oge jeung kantor pamarentahan desa, puskesmas, jeung pos ronda nu di kumplitan ku kohkol, jeung Penjarana, Ari beuki karasa kota nateh ku ayana ngadeg sarana informasi nu katelahna “ RADIO MULTINADA “ anu tagline nateh “ SHO PASTI NGEJRENG” ari nu janten direktur nateh A Yudi Alpa Sera. Eta wangunan radio teh ngadegna pas di satukangeun sakola, malah lamun istirahat sok rajeun barudak meuli Atensi ( kartu request) anu zaman harita haregan 500 menang tilu lamar, ari penyiarna nu kawentar waktu baheula nyaeta, kang Yudi Alpasera, kang Cecep Alpasera, Kang Sumarna Alpasera jeng rea rea deui, malah sohorna ngelehkeun aki Pikun jeung Apih Pradewa.

Aya hiji trend di dunia broadcashting waktu harita, nyaeta ngaran di radio teh pa keren – keren (pada jamannya) saperti, Kang Ajat boga lanihan Kajoy Skem, aya deui Puput, Gadis Lembayung Senja, Aki panyadap, Mamah Ikeu Anu Meuleuneu, Gadis Purnama Membiru, Kadal Ketap, Rorongkong Nikreuh, Cucunguk Jengke, malah kang Fey oge pernah mundut lagu Di Maribaya ti  Kang Darso make ngaran samarana Ronaldo, ngan ti saprak nyepak pinalti Tikosewad langsung nga bubur bodas, ngabubur beureum, nya ti kawit harita katelahna janten Tommy J Pisa. Malah kang Tommy J Pisa eta pernah Lebet kana buku moitor gara gara nyieun pantun kieu,

Makan kelapa di jakarta

Makan Baso sama cireng

Radio multinada jaya di udara

Dan sho pasti ngejreng

Bersambung……